– Vi blei kalla inn like før klokka 7 lokal tid til meldingar om at eit køyretøy blei køyrt inn i eit hus i Thurlow Gardens-området. Det var meldingar om at folk var stukne med eit våpen, melder London-politiet.
– Ein mann med sverd har blitt arrestert.
Fleire bilete og videoar på sosiale medium viser den same personen med det som ser ut som eit katanasverd. Dei samsvarar med andre bilete av området som er tekne i dag.
– Vi meiner ikkje at det er nokon vidare trugsel mot samfunnet. Vi ser ikkje etter fleire mistenkte, seier assisterande politikommissær Ade Adelekan i eit utsegn.
– Hendinga verkar ikkje terror-relatert.
Både ambulanse og brannvesen rykte ut til staden. Dei stilte med helsehjelp på staden, melder The Guardian.
Stasjon stengd
Representanten for området i den britiske nasjonalforsamlinga, Wes Streeting, skriv på X:
– Det er annonsert at det har skjedd ei kritisk hending i Hainault. Stasjonen og vegar er stengde.
Transportselskapet Transport for London (TfL) seier årsaka til stasjonsstenginga er politietterforsking.
– Eg høyrde sirenene utanfor. Det er så mange politibilar her, seier Laiba, som jobbar på ein daglegvarebutikk like ved.
Publisert 30.04.2024, kl. 10.33 Oppdatert 30.04.2024, kl. 11.26