Mann funnen død under leiteaksjon

Det var tysdag ettermiddag mannen i sluttten av 60-åra gjekk på tur, og han blei såleis sett av familien rundt klokka 13.30. Politiet blei varsla då han ikkje kom tilbake.

– Tysdag kveld, omlag klokka 21.30, blei ein leiteaksjon sett i gang, sa operasjonsleiar Eivind Klokkersund i Møre og Romsdal politidistrikt i natt.

Litt før klokka 01.30 meldte politiet at mannen var funnen død i terrenget, men funnen blei gjort rundt midnatt. Det var frivillige leitemannskap frå Norske Redningshundar og Røde Kors som fann mannen.

Dei pårørande er varsla.

– Dødsallet ser ut til å vere helserelatert, seier Klokkersund onsdag morgon.