Kva huskar du frå koronapandemien i Noreg?

5 hours ago 3

Torsdag 12. mars 2020 kalla regjeringa inn til pressekonferanse der dei varsla dei mest inngripande tiltaka Noreg har hatt i fredstid.

Nordmenn fekk brått ei rekke nye ord og uttrykk å halde styr på, som heimekontor, kohort, r-tal, koronavenn og superspeidarar.

«Koronaen» blei også kåra til årets ord av Språkrådet i 2020.

Kø utenfor Vinmonopolet i Markveien på Grünerløkka i Oslo

Vi lærte oss nye måtar å jobbe på. Vi lærte oss å helse med olbogen og «halde meteren» for å unngå å bli smitta. Og det blei sett i gang «koronerulling» under «strøymekonsertar» med artistar som måtte avlyse turneen sin.

Men kor mykje huskar du framleis etter fem år? Ta denne uhøgtidlege sjølvtesten, og finn ut.

1/12 Stengd og avlyst

To kvinner prøver å hilse på hverandre, men en mann, som står mellom de to prøver å avskjære ved å strekke en hånd mellom dem.

12. mars kom Solberg-regjeringa med «dei strengaste og mest inngripande tiltaka i Noreg i fredstid» på grunn av covid-19. Ei rekke arrangement og tilbod blei forbode eller stengt. Kva tilbod blei ikkje stengt?

2/12 Tiltak for barn og unge

Nedstenginga førte til at mange brått måtte jobbe på heimekontor. Men styresmaktene var også uroa for spreiinga av viruset blant barn og unge. Kva tiltak blei sett inn i skulane frå 12. mars 2020?

3/12 Spriten kom på bordet

Tre flasker med håndsprit og ei flaske øl står på gresset i en park. I bakgrunnen skimtes åtte mennesker ute av fokus som sitter og prater.

Blant dei som kunne gni seg i hendene var produsentar av handsprit. Det blei sett opp dispenserar på offentlege stader, og mange hadde ei lita flaske i lomma eller handveska. Men kva var det viktigaste rådet for godt smittevern i det daglege?

4/12 Karantene etter utanlandsreiser

Dei første tilfella av covid-19 i Noreg var personar som var smitta på reiser i utlandet. For å hindre såkalla importsmitte måtte dei som kom over grensa i karantene. Kor lang var karantenetida i starten?

5/12 Norske mann i hus og hytte

Når samfunnet elles var stengt ned, og mange måtte jobbe frå kjøkkenbordet, var det godt å ha ei hytte å reise til. Men våren 2020 blei det restriksjonar på bruk av fritidseigedommar. Kva gjekk hytteforbodet ut på?

6/12 Noreg i raudt, kvitt og blått

Nesten folketom Karl Johan 17. mai 2020 på grunn av koronapandemien.

I mai opna ein for offentlege arrangement igjen, men barnetoga 17. mai blei avlyste. Det var likevel mogeleg å feire nasjonaldagen saman med familie og vennar. Kor mange kunne vere samla i private arrangement?

7/12 Dersom ingen får korona, men passar seg for den ...

Et pyntet juletre. I bakgrunnen står en julenisse med munnbind og hansker.

Jula 2020 blei ei koronajul med mange råd og reglar. Kor mange gjestar kunne ein ha på besøk rundt middagsbordet julaftan 2020, ifølge dei nasjonale reglane?

8/12 Berre eit lite stikk i armen

En hånd holder et glass med vaksine mens den fylles på en sprøyte.

Arbeidet med å lage ein vaksine mot covid-19 kom raskt i gang etter at pandemien var eit faktum. I romjula 2020 fekk 5000 eldre dei første koronavaksinane i Noreg. Kva vaksine var den første som blei godkjent og distribuert i Noreg?

9/12 Ein engelsk variant

Viruset begynte etter kvart å endre seg. I slutten av januar 2021 blei det oppdaga eit utbrot av eit mutert virus i Nordre Follo. Det førte til innstramming i tiltaka i ti kommunar på Austlandet. Kva var den utilsikta konsekvensen av dette, som gjorde at det blei gjort endringar dagen etter innføringa?

10/12 Pass på korona

For å kunne lette på reiserestriksjonar og opne opp meir av samfunnet, kom det forslag om å innføre koronasertifikat. Sommaren 2021 blei dette innført i Noreg, Kva opplysningar hadde sertifikatet?

11/12 Oppheving av smitteverntiltak

Etter kvart som det blei mindre smitte i omløp, kunne Noreg opne meir opp. Når fjerna regjeringa smitteverntiltaka mot covid-19, med bruk av munnbind, avstand og plikt til isolasjon ved sjukdom?