Uktsie luhkijste Eurovpeerh eah USAem vuejnieh goh alliert
Goerehtimmie 15 laantijste Eurovpesne vuesehte stoerre gellientaale eah vïenhth USA dejtie vaarjele jis naaken dejtie dååreje.
European Council on Foreign Relations (ECFR) goerehtimmiem dorjeme, The Guardian tjaala.
19.481 almetjh 15 laantijste goerehtæmman vaestiedin maam suehpeden tjïrrehtin.
Dah mah vaestiedin daesnie årroeminie: Bulgaria, Danmaarhke, Estlaante, Frankrïjhke, Nederlaante, Italia, Polene, Portugale, Sveitse, Spania, Storbritannia, Sveerje, Tysklaante, Ungarne jïh Österrijhke.
Laante mij jïenemes jearsoesvoetem amerikaneridie åtna, lea Polen, desnie 37 proseenth vienhtieh USA edtjieh dejtie vaarjelidh.
Spania vaenemes jearsoesvoetem åtna, ajve 12 proseenth vienhtieh USA maam joem dorje jis naaken dejtie dååreje.
English (US)