Her «skyt» han mot britisk politi

2 hours ago 2

Norsk 19-åring tiltalt i England:

19-åringen frå Stavanger vart pågripen på eit hotell i Huddersfield. Alt var fanga på politiets kroppskamera.

«SKYT»: 19-åringen tek ladegrep mot politiet. Foto: Metropolitan Police

Publisert 10.06.2026 18:36

Klokka var blitt 05.15, natt til 19. mars 2025, i Huddersfield nord i England.

På rom 207 på Briar Court Hotel budde ein 19 år gamal mann frå Stavanger.

Han brukte kvelden før på å hente våpen og sørge for fluktbil, på instruksjonar frå to personar i det svenske Foxtrot-nettverket.

«Vi har mykje å gjera i morgon», skreiv Foxtrot-toppen «Agent47» til 19-åringen på Signal.

Men så nærma det væpna britiske spesialpolitiet seg hotelldøra hans.

Så banka dei på.

Hadde to våpen på rommet

Den dramatiske «bodycam»-videoen blei lagt fram som bevis for juryen i rettssalen onsdag.

TV 2 har fått den tilsendt frå antiterrorpolitiet som har etterforska saka. TV 2 har vald å sladde den tiltalte 19-åringen frå Stavanger.

Han vart teken med mellom anna to fungerande våpen på hotellrommet sitt. No er han sikta for «conspiracy to murder», altså for å ha hatt planar om å drepe, i England.

Britisk påtalemakt meiner drapet berre var timar unna då han blei pågripen.

Han nektar straffskuld.

Norsk 19-åring nektar straffskuld – sende slengkyss i retten

Lata som han skaut

19-åringen opna døra til hotellrommet etter at politiet hadde banka på.

Ifølge påtalemakta løfta den tiltalte hendene då han kom til døropninga, som om han heldt i eit skytevåpen.

– Og så lata han som han skaut mot ein av politibetjentane. Dette i seg sjølv gir kanskje eit visst innblikk i kva han var her i England for å gjera, sa aktor Alistair Richardson under sitt opningsforedrag i førre veke.

Etter arrestasjonen vart 19-åringen sett i varetekt.

I rettssaka har vitne frå Norge skildra tenåringen som ein populær og svært talentfull fotballspelar.

Mannen var knapt fylt 18 år då han tok på seg oppdraget og reiste til England. Foto er delt av familien med samtykke frå tiltalte.

Så skal han ha fått store rusproblem under koronapandemien då aktivitetane stengde ned.

– Han var psykisk sjuk då han reiste til England. Han hadde ikkje fri vilje og vart utnytta i ein sårbar situasjon medan han var under aktiv behandling i norsk helsevesen, har mora sagt i eit intervju med TV 2.