Håkon Bleken (96) er død

– Det er med djup sorg og stor respekt at Galleri Brandstrup kunngjer at Håkon Bleken har gått bort, ein av Noregs mest anerkjente samtidskunstnare, skriv galleriet i ein pressemleding.

– Bleken etterlet seg ein eineståande arv som har prega norsk kunst i over eit halvt hundreår, skriv dei vidare.

Galleriet skriv vidare at Bleken sitt arbeid var karakterisert av emosjonell dybde, eit skarpt blikk på sin samtid og eit slåande visuelt uttrykk.

– Ein bauta

Per Høiem, gallerist og venn av Bleken, seier det noe er ein stor kunstnar som har gått bort.

– Ja, han var jo ein bauta innan etterkrigstidas kunst, det er det ingen tvil om, seier Høiem.

– Han har også vært en bauta for Trondheim.

Høiem besøkte kunstnaren for få dagar sidan. Han seier Bleken blei ein betre og betre kunstnar på sine eldre dagar.

– Han var heilt klar og malte bare betre og betre mot sine 96 år.

– Ein av våre fremste kunstnarar

Kunstkritikar i NRK, Mona Pahle Bjerke, seier det er ein av Noregs fremste kunstnarar som no har gått bort.

– Han var ein av våre fremste kunstnarar, seier Bjerke.

Ho seier Bleken var produktiv til det siste.

– Han var ein av våre mest skapande kunstnarar som ikkje har slutta å utvikle seg etter at han blei gamal.