Gjer nytt forsøk på å gripe avsett president i Sør-Korea

Rundt 6500 tilhengarar av den avsette presidenten i Sør-Korea, Yoon Suk-yeol har samla seg utanfor bustaden hans tysdag kveld, norsk tid.

Fleire av medlemmane av regjeringspartiet i Sør-Korea har danna ei menneskeleg lenke for å stoppe ein arrestasjon av den tidlegare presidenten, melder AFP.

Då politiet prøvde å gripe den avsette presidenten på nyåret, blei dei møtt av soldatar og livvakter. Etter fem timar måtte dei avlyse operasjonen.

Yoon blir etterforska etter eit mislykka forsøk på å innføre unntakstilstand i landet i desember i fjor. Arrestordren mot han blei sendt ut etter at han forsøkte å setje nasjonalforsamlinga til sides.