Fryktar blodhemn: Kokain-tiltalt føler seg trua av italiensk advokat

1 week ago 26

– Det var ikkje meg sjølv eg var redd for, det var familien min, sa den tiltalte 27-åringen om tida då han skulle i avhøyr i Noreg.

Han er den første som har forklart seg i saka. Éi kvinne og fire menn frå Albania er tiltalte etter den såkalla mafiaparagrafen, for å ha innført 150 kilo kokain til Husnes i fjor.

Ein sjette person var også sikta, men han blei funnen død i fengsel.

Les korleis dei seks enda opp med å bli arresterte her:

Dette er første gong det har blitt beslaglagt kokain i Noreg under eit skip, med metoden parasittsmugling. Det er også det største kokainbeslaget gjort på Vestlandet nokosinne.

Blodhemn

30-åringen og 27-åringen forklarte seg i dag. Dei er tiltalte for å ha medverka til planlegging, mottak av dykkarutstyr på Gardermoen, frakt av dykkarutstyr til Husnes og mottak av stoffpartiet i vasskanten.

27-åringen forklarte i retten at i albansk kultur har dei ei slags lovbok, Kanuni i Lekë Dukagjinit, som kriminelle misbrukar. Boka regulerer ifølgje 27-åringen også blodhemn, noko som gjer at han er redd for å namngi andre. Han sa at det har vore slike drap i Albania.

I retten omtalte han nokre av dei tiltalte som «mannen» og «kvinna».

– Andre kan forklare sjølv kva dei har gjort. Eg har sagt kva eg har gjort, at eg tar ansvar for det, sa han.

Skipet Nordloire låg til kai på Husnes i Kvinnherad då det blei gjort eit beslag på 150 kilo kokain som hadde blitt frakta til Noreg under skipet.

– Ein trussel

På spørsmål om han var redd for å dra andre inn i saka, svarte 30-åringen «veldig redd».

Ein italiensk advokat har hevda at han er forsvarar for tre av dei tiltalte: 27-åringen, 30-åringen, og han som er død.

Dette nektar 30-åringen for. Denne advokaten skal ha ønska å kome til Noreg.

– For meg var det ein klar beskjed. Det er ein trussel. Det var også ukjende personar som har trua kona mi, sa han i retten i dag.

Konstituert førstestatsadvokat og aktor Benedicte Hordnes i Hordaland tingrett.

Tre tiltalte kontakta

Advokat Alexander Gonzalo Sele er forsvarar for 30-åringen. Han stadfestar at klienten har vore redd for å forklare seg og at familien i Albania har blitt kontakta av ein italiensk advokat.

Alexande Gonzalo Sele i Hordaland tingrett.

– Det er sjølvsagt bakmenn som eig dette stoffet. Dei tiltalte føler sjølvsagt på eit ansvar i forhold til kva dei kan seie, og eventuelle represaliar frå bakmenn, seier Sele.

Kai-Inge Gavle er forsvarar for 27-åringen og seier både han og den no avdøde mannen har blitt kontakta av den italienske advokaten.

– Dette beviser at det er sterke krefter. Det er antakeleg, slik den andre tiltalte forklarte i dag, eit hint om at ein skal vere forsiktig med kva ein forklarer seg om, sa Gavle.

Éin vedkjenner, éin uvitande

27-åringen har nekta straffskuld. Han seier han først i politiavhøyr fekk vite det var narkotika dei henta. Han reagerte då på at dei snakka om 150 kilo kokain i sekkane.

– Dei var tunge, som om det var stein inni. Hadde eg blitt spurt om vekta, kunne eg ha sagt 600 kilo, sa 27-åringen.

Vest politidistrikt frigir bilder fra narkotikabeslag på Husnes etter at 150 kilo kokain ble funnet festet til skroget på et skip

Han seier han kom til Noreg for det han trudde var ein jobb i byggebransjen. Tidlegare har han drive med golvlegging, gipsing og måling.

Han skulle få 20.000-25.000 euro for jobben, og dette var noko som skulle ta tid. Han meiner han blei lurt, og at han i første omgang berre skulle vera nokre dagar i Noreg.

I denne bilen blei bagane med 150 kilo kokain funne. Pågripinga av seks personar skjedde på Husnes.

– Det blei sagt at dei tre dagane skulle eg sjå omfanget på jobben, og at denne jobben kanskje kunne ta to-tre månader, sa 27-åringen.

30-åringen vedkjenner straffskuld etter tiltalen. Han visste det dreia seg om transport av kokain og at denne kom frå Brasil. Han skulle få 20.000 euro for ein transportjobb. Av denne summen skulle 3000 euro bli trekt frå fordi han stod i gjeld.

– Jobben min var å legge bagane i bilen, sa han.

Kokainsmuglingstiltalte Husnes sjekker inn på hotell Best Western Gardermoen

Les om korleis dei tiltalte jobba for å få kokainen til Noreg her:

Hevdar å ikkje kjenne kvarandre

Denne undervass-scooteren tok tollen bilete av i tollkontroll i Larvik 10. april. Denne skal ha blitt brukt for å få opp 150 kilo kokain frå under eit skip. Skipet låg til kai i Husnes i Kvinnherad i Vestland.

Dei fem tiltalte kom til Noreg i bilar og med fly. Ein person som ikkje er tiltalt kom med to undervasscooterar til Larvik. Dette utstyret blei lagt i leigebilar ved Gardermoen.

27-åringen var sjåfør av ein av to leigebilar frå Gardermoen til Husnes. Han møtte også, saman med 30-åringen, den tiltalte 26-åringen på ein bensinstasjon før dykket på Husnes.

27-åringen og 30-åringen hevdar at dei ikkje kjenner 26-åringen utover dette, men at dei snakka om å hente bagar.

To andre tiltalte nytta også tida før dykket til å kjøpe meir dykkarutstyr i Bergen.

Kjøper dykkerutstyr på dykkerbutikken Nemo i Bergen,

Etter pågripinga fann politiet til saman åtte telefonar fordelt på seks personar. Desse brukte dei til kryptert kommunikasjon på appane Signal og Session.

Rettssaka mot dei fem albanske starta i Hordaland tingrett den 7. mai og det er sett av minst ti dagar i retten.