Staten har inngått forlik med det spanske verftet som bygde fregatten Helge Ingstad. Det melder Forsvarsdepartementet i ei pressemelding.
Staten kravde over 13 milliardar kroner frå verftet Navantia, som erstatning for konstruksjonsfeil på fregatten.
Denne feilen bidrog til at Helge Ingstad havarerte i Hjeltefjorden i 2018, meinte regjeringsadvokaten.
Forliket inneber at Noreg får rabattar på kring 550 millionar kroner på kontrakter om teknisk støtte og oppgraderinga av dei norske fregattane, skriv departementet.