Ekstreme grep gav gull – no skal verdsmeisteren leve normalt

Etter månadar med strenge reglar og minimalt med sosial kontakt, feira Peder Kongshaug VM-gullet med sine nærmaste. No ventar litt fri før tankane blir vendt til neste store høgdepunkt.

Ein solid heiagjeng stod i kø for å klemme den nybakte verdsmeisteren i Vikingskipet. Her saman med venner, kjærasten Marthe Alhaug, søster Marie og mor Kristin Kragseth. Foto: Mari Sollid Eide

– Det blir deilig å kunne leve litt normalt framover, seier Peder Kongshaug.

Den nybakte verdsmeisteren kan sleppe ned skuldrene. Han innfridde då det gjaldt som mest. Sesongens store mål blei ein suksess.