Drama om villgeiter held fram - ikkje fleirtal for å stoppe avliving

Det politiske dramaet om villgeitene i Sogn held fram. Eit forslag i Stortinget om å redde flokken frå avvikling - må ha støtte frå Frp for å oppnå fleirtal.

BREKING NEWS: Alfred Bjørlo (V) møtte nyleg ein gjeng geitekillingar på storleik med Venstre si stortingsgruppe. Foto: Privat

• 

• Frank Ertesvåg

Tirsdag 1. april kl. 14:29

I det samla forslaget frå Næringskomiteen tysdag viser det seg derimot at det kan bli vanskeleg å redde villgeitene:

«Komiteen har forståing for Mattilsynet sine vurderingar om at det er dyrevelferdsmessige utfordringar med å la flokken leve, utan at nokon har tilsyn med dyra og kan gjennomføre nødvendige tiltak som styrkar dyrevelferda.»

Politikarane vil likevel at Mattilsynet som fagstyresmakt undersøker moglegheita for at nokon tek ansvar for dyra.

«Komiteen viser samtidig til at det er eit stort engasjement for flokken og at dersom det er nokon som er villige til å ta på seg eit ansvar for oppsyn med og nødvendige tiltak for flokken, så kan villgeitene leve vidare,» heiter det i merknaden frå Næringskomiteen tysdag.

Frp på vippen

Eit mindretal i komiteen - frå Venstre, Høgre, Raudt, SV og MDG vil redde villgeitene frå den planlagte avlivinga i regi av Mattilsynet. Etter framlegg frå Raudt, føreslo dei:

«Stortinget ber regjeringa ta initiativ til at Mattilsynet i staden for å avvikle hele villgeitflokken innan fristen som no er sett, arbeider vidare for å finne løysingar som sikrar dyrevelferda til Kvistgeitene og tek vare på genressursane i vidare husdyrhald.»

Men dette forslaget oppnådde ikkje fleirtal, og er avhengig av støtte frå Framstegspartiet i plenumsbehandlinga i Stortinget - for å oppnå fleirtal.

– Det er framleis ikkje for seint å snu, og gå inn for forslaget om å stogge avlivinga, seier Sofie Marhaug i Raudt til VG.

Stortingsrepresentant frå Sogn og Fjordane, Alfred Bjørlo (V) hadde sett føre seg eit fleirtal for å redde villgeitene. No seier han:

– Geitedramaet held fram heilt til debatt og votering i Stortinget 8. april, seier Bjørlo til VG.

Han fekk nyleg nærkontakt med geitekillingar frå villgeitflokken, heime i fjøset hjå Anne Jo Bjordal (46) i Lånefjorden. Ho ivaretek nokre av killingane i samarbeid med Dyrebeskyttelsen.

VILLGEIT: Geit i naturen ved Lånefjorden mellom Balestrand og Høyanger i Sogn. Foto: Odd Arild Løseth

Fleire av tilhengarane av å halde liv i villgeitene vedtaket - har jobba for tilsyn av kjea dei første 14 dagane, sikring av smittevern, merking av dyra og bruk av «elektronisk gjerde» slik at dei ikkje kjem ut på vegen og blir påkøyrt.

Olve Grotle (H) er saksordførar for villgeitsaka. Også han er samfylking med flokken mellom Høyanger og Balestrand.

– Det kan sjå ut til at eit fleirtal kan greie å samle seg om ei løysing, men det blir avklart i morgon, skreiv Grotle til VG måndag.

Den eventuelle samlinga med sikte på å redde dyra frå avliving, let vente på seg.

TILTREKKANDE: Alfred Bjørlo og Anne Jo Bjordal (46) fekk nærkontakt med nokre av geitekillingane til villgeitene heime hjå Bjordal nyleg. Ho tek seg av nokre av dei mest sårbare geitene - som vart fødde i vinter. Foto: Privat

Alfred Bjørlo lot geitekjea få kome tettare innpå seg enn den mest ihuga Venstre-velgar - då han vitja dei tidlegare i vår heime hjå Anne Jo Bjordal.

– Det var heilt magisk å få møte dei små Kvist-geitene på nært hald. Dei er så søte, tillitsfulle, leikne og «streetsmarte»Evne til å tilpasse seg og navigere gjerne i utfordrande miljø, handtere vanskelege eller risikable situasjonar. Ein som er streetsmart er ofte dyktig til å lese andre og omgivnadene sine. at du berre må elske dei, seier Bjørlo.

Han lovprisar jobben som Anne Jo Bjordal har gjort. Ho har teke seg av mange av dei mest sårbare geitene - killingane som blir fødde i februar.

Bjordal har fortalt om fleire høve der ho har blitt kontakta av folk som har fortalt om sjuke og skadde geiter og kje opp gjennom åra.

Utsette killingar

– Eg er slett ikkje for at geitene skal bli avliva, men dei må inn i meir ordna former enn no. Det er ikkje bra at dei går slik - langs 10 kilometer med 80-sone, og er utsette for ørn og påkøyrsler. Særleg ikkje dei små, sier Bjordal til VG.

Geitene går for det meste i skogen, men når dei kjear om vinteren trekkjer dei seg ned mot vegen og fjorden, har ho tidlegare skildra til lokalavisa Sogn Avis.

Ho har teke med seg fleire svake og dårlege kje heim, og har etter kvart fått ein liten flokk som ho ivaretek.

Då VG snakka med henne, var Bjordal på veg til dyrlækjar med tre svake killingar.

Seinskader etter lite næring medan mødrene var drektige kan vere årsak til at killingane er svake. Innavl er ei anna utfordring i villgeitflokken, åtvarar Bjordal.