Desse skal kjempe om den siste finalebilletten i MGP

Gje di stemme i dagens duell her:

Skrellex, Emmy og Raylee er blant artistane som no skal ut i duell. Berre éin av dei får plass i den store finalen.

Måndag lanserte NRK dei åtte artistane som allereie er klare for finalen i Melodi Grand Prix 2026.

Men det skal vere totalt ni bidrag på scena – og kven den siste artisten blir, er det publikum som skal avgjere.

Gjennom «MGP-cupen» i «Nitimen» og på NRK.no skal åtte utfordrarar kjempe om den aller siste plassen.

Alle låtane blir sleppte på strøymetenestene i dag, tysdag 20. januar klokka 09.00.

Slik blir MGP-cupen

Kvar dag møtest to artistar til duell. Den som får flest røyster, går vidare til neste runde.

Stemming: Du kan stemme lenger oppe i denne saka. Stemmevindauget er ope i 24 timar, frå klokka 10.00 til 10.00 dagen etter.

Vegen til finalen: Vinnarane frå kvartfinalane (tysdag til fredag) møtest i nye duellar laurdag og søndag.

Avgjersla: Måndag morgon startar den avgjerande finaleduellen. Tysdag 27. januar får vi svaret på kven som stikk av med den siste finaleplassen.

Første duell (tysdag 20. januar): Skrellex mot Emmy

Skrellex – «Into the Wild»

Tekst og melodi: Michael James Down, Will Taylor, Primoz Poglajen, Kai Thomas Ryen Larsen og Camilo Fernández

Hele Noregs Skrellex (Kai Thomas Ryen Larsen) frå Moss er tilbake! Etter suksessen med «Love Again» i 2023, lovar artisten eit endå spissare show. «Into the Wild» blir skildra som episk, krigersk og storslått – ein fest det er umogleg å seie nei til.

Emmy – «Sykt Fin»

Tekst og melodi: Ben Adams, Andreas Stone Johansson og Emmy Kristine Guttulsrud Kristiansen

Emmy frå Sande representerte Irland i Eurovision i 2025, men no er ho tilbake på heimebane.

Ho debuterte i MGPjr i 2015 og deltok i MGP i 2021 med «Witch Woods». Låta «Sykt Fin» er ei fengjande hyllest til Noreg som festar seg med ein gong.

Andre duell (onsdag 21. januar): Gothminister mot Vika Anonymous

Gothminister – «The Spell»

Tekst og melodi: Bjørn Alexander Brem

Advokaten Bjørn Alexander Brem frå Fredrikstad forvandlar seg til Gothminister når mørket fell.

Han har halde det gåande sidan 1999, og deltok i MGP i både 2013 og 2024. «The Spell» er kanskje hans mest fengjande låt til no, skreddarsydd for dei store scenene.

Vika Anonymous – «Har du itte vørri på toten før?»

Tekst og melodi: Jørgen Ulsrud, Gustav Fredholm, Torgeir Ryssevik, Kjersti Sleveland og Chris Tsika Kabala

Jørgen Ulsrud og Gustav Fredholm svarar på etterlysinga etter ekte norsk festmusikk.

Gutta frå Innlandet inviterer til total bygdefest på Toten med ein låt som garantert vil skape stemning.

Tredje duell (torsdag 22. januar): Aranja mot Sander Silva & Victorjus

Aranja – «Pysjamas song»

Tekst og melodi: Aranja Gharib, Sonia Maselik, Christopher Scott Simmons og Ola Frøyen

Stavanger-artisten Aranja Gharib er fersk frå musikkutdanninga ved LIMPI.

«Pyjamas song» blir omtalt som ein reindyrka Eurovision-låt som verkeleg lèt Aranja vise fram det store vokaltalentet sitt.

Sander Silva & Victorjus – «Fritt Fall»

Tekst og melodi: Sander Gran, Torjus Fluge Fornes, Trym Olstad og Stine Øen

Duoen Sander Gran (Larvik) og Torjus Fluge Fornes (Oslo) blei plukka ut blant 60 talent ved Høyskolen Kristiania.

Låta «Fritt Fall» har eit refreng som set seg umiddelbart og nektar å sleppe taket.

Fjerde duell (fredag 23. januar): Raylee mot Thomas Jenssen

Raylee – «Where did your friend go»

Tekst og melodi: Steven Rodriguez, Emma Gale, Celine Solemsløkk Helgemo og Raylee Charlotte Kristiansen

Raylee tek ein pause frå karrieren i Los Angeles for å jakte på ein ny MGP-finale.

Etter suksessane med «Wild» og «Hero», er ho no klar med ein moderne klassikar som passar like godt på klubben som på den store Eurovision-scena.

Thomas Jenssen – «Smalltown»

Tekst og melodi: Thomas Jenssen, Carl-Henrik Wahl, Simon Peyron, Jakob Mihoubi og Rudy Daouk

Levanger-guten Thomas Jenssen deltok i MGP i 2024 og kjem no med ein låt basert på eigne livserfaringar.

Med ein fersk master i låtskriving i bagasjen, leverer han ektefølt pop som han håpar vil røre både Noreg og Europa.