Demonstrasjonar i Southport etter knivangrepet

Det var måndag at fleire born blei knivstukke under eit dansearrangement i den lille byen Southport i England.

Tre jenter døde som følge av hendinga. Fleire er kritisk skada. Ein 17 år gamal er sikta for drap og drapsforsøk.

Tysdag kveld er det opptøyar utanfor ein moske i byen. Ein politibil er sett fyr på og ein tilsett ved politet er skada, opplyser dei.

Sky News melder at maskerte demonstrantar kastar mursteinar mot politiet. I følgje AFP skal det vere snakk om 100 demonstrantar i området.

Politet er på plass med bataljonar og har klarert området like utanfor moskeen.

– Det er kvalmande å sjå dette utspele seg i dette lokalsamfunnet som er knust etter tapet på dei tre unge jentene, seier politibetent Alex Goss.

Lokalt politi seier dei stod overfor ei av dei mest utfordrande oppgåvene i sitt liv måndag.

– I kveld, blei dei angripne medan dei forsøkta å forhindre uorden, seier Goss.

Fordømmer falske rykte

I ei pressemelding seier politiet at dei mistenker den høgre-ekstreme gruppa English Defence League for å stå bak.

Dei skriv at ein tilsett i politiet har knekt nasen og ein politibil er sett fyr på. Flasker og gjenstandar blir også kasta mot politiet, skriv dei.

Dei seier at opptøyane er knytt til falske opplysningar om 17-åringen som er sikta for drap og drapsforsøk.

Det har blitt spreidd falskt namn og bilde av det dei hevdar er den drapssikta. Dette avkreftar politiet.

– Nokre bruker dette til å drive med vald og uro i gatene våre, seier Goss.

På sosiale medium blir det spreidd opplysningar om at den drapssikta er ein asylsøkar som kom til landet med båt, medan britisk politi stadfestar at 17-åringen er frå Wales.

– Vi har allereie sagt at personen er fødd i Storbritannia, og desse rykta hjelper ingen på dette tidspunktet, skriv politiet i pressemeldinga som er gjengitt av Sky News.