8 hours ago
2
Tjuv slo til med brennheitt verktøy. PostNord seier pakkeautomatane er trygge.
Publisert 22.07.2025 14:59 Sist oppdatert 37 minutter siden
På fredag ettermiddag såg postautomatane til PostNord utanfor Rema 1000 Skreppestad heilt vanlege ut. I alle fall sett frå framsida.
Bak ifrå derimot såg det slik ut:
– Eg blei litt matt, rett og slett, seier Christoffer Hellenes (34) til TV 2.
Han hadde vente fleire veker på ei bedriftspakke. Men bak luka var det tomt. Han trudde først at pakka var lagt i feil luke.
Så såg han at nokon hadde skore hål for å stele pakkane som låg på innsida av den eine pakkeautomaten.
– Eg såg holet, og gjekk rundt for å sjå. Metallet var ganske tynt, og verka ikkje så vanskeleg å bryte opp, seier han.
Han hadde vore der på sundag, og ringte politiet.
Då fekk han vite at dei hadde rykka ut allereie på fredagen, utan at han hadde fått beskjed frå verken dei eller PostNord om at posten var borte.
Østlands-Posten omtalte det spesielle tjuveriet først.
Slik vart boksen opna
Knut Erik Ågrav, seksjonsleiar for etterforsking i Tønsberg, fortel til TV 2 at det er heilt tomt for pakkar i stativet.
– Det var truleg fleire pakkar som blei stelt, og det skjedde natt til fredag, seier han.
Ågrav bekreftar at det var brukt ein skjerebrennar på baksida for å ta ut pakkene.
Ein slik brennar har ein gassflamme som ein kan nytte til å skjera seg gjennom jern og stål.
Politiet har gjort undersøkingar på staden. Men dei veit ikkje kven som har stole pakkane.
– PostNord har varsla at dei skal levere ei politimelding når dei har oversikt over kva som har blitt tatt, legg han til.
Per no er det ikkje meldt om at andre pakkeautomatar i området har hatt besøk av tjuvar, ifølge Østlands-Posten.
– Opplev lite tjuveri
PostNord seier det er trygt å få pakkane levert til pakkeautomat og presiserer at slike tjuveri skjer sjeldan.
– Ettersom pakkane blir levert til ei låst luke, er det eit endå tryggare leveringsalternativ enn til for eksempel postkasse eller dørmatte, seier pressesjef Haakon Nikolai Olsen til TV 2.
Han legg til at innbrot er noko som hender svært sjeldan, men han har ikkje tal på kor mange gonger det har skjedd.
PostNord starta med pakkeautomatar i 2021, og dei er laga av stål og aluminium.
– Når vi utplasserer våre pakkeautomatar er dette ei nøye prosess, kor lokasjonane blir vurdert også med tanke på sikkerheit, forklarar han.
Han peiker til at fleire av automatane er plasserte innandørs på kjøpesenter, eller andre sentrale stadar som er overvaka.
Til slutt seier han at kundane vil få tilsendt ei ny vare om det skjer tjuveri.
– Det vil bli oppretta ei erstatningssak som vi i PostNord saman med avsendar løysar oss i mellom, avslutt han.
– «Kjapt-gjort-opplegg»
Saka er endå under etterforsking, men Hellesnes har ein teori. Det var nemleg berre eitt av skapa som var brote opp.
– Det ville jo vore smart å bestille noko dyrt, og få det levert til ei slik pakkeautomat. Ved ein seinare anledning kan du bryte opp heile skapet, stele alle pakkane, og krevje tilbake pengane, foreslår han.
Mens politiet etterforskar har Hellenes prata med PostNord, og skal få nye varar tilsendt. Men han stussar framleis over kor lett det verkar å bryte seg inn.
Han reagerer på at det aktuelle skapet ikkje er montert inntil ei vegg, og er plassert ein stad utan overvakingskamera. Han beskriv det som «litt amatørmessig».
– Det er litt dårleg tiltenkt, veldig «kjapt-gjort opplegg», seier han.
Han fortel at han kjem til å vere meir skeptisk til bruk av pakkeautomat i framtida, særleg stader dei ikkje er monterte til veggen.
– Dyre varar skal eg iallfall ikkje bruke pakkeskap på, avslutt han.
English (US)