Buss sklei: Skolebarn fekk glas over seg

Det har også vore fleire trafikkutfordringar i Tromsø i morgontimane.

Ein buss sklei i ein bakke i Tromsø, og trefte ein buss like før klokka 8.

– Det ryk litt frå lastebilen og fleire skal ha fått knust glas over seg, melder Troms-politiet i politiloggen.

I 9.15-tida opplyser dei at det var skolebarn i bussen.

– Fire stykk skal ha fått knust glas på seg. Dei er sjekka ut av ambulansepersonell og er uskadd, skriv politiet i politiloggen.

NRK har vore i kontakt med busselskapet. Dagleg leiar Torbjørn Johansen sa i 9-tida at dei ikkje var kjent med hendinga.

Politiet ber no trafikantar om å sette på lysa på grunn av snøfokk.

– Busselskap klagar på at det er vanskeleg å sjå bilar på grunn av autolys i det dårlege vêret.

• Dårleg vêr skapte utfordringar i både Sør- og Nord-Noreg i helga. Ei rekke bilar køyrde i kvarandre i Tromsø-området.

Frå snø til regn tysdag

Måndag startar vêrbildet som i helga, med snøbyer og vind som somme stader liten kuling.

Snøskred over veg og fare for snøskred gjer at fleire fylkesvegar er stengd og ei bilferje er innstilt.

Men det blir berre småtteri samanlikna med kva vêr som vil kome tysdag.

Det bekreftar vakthavande meteorolog Sevim Müller.

Då er det ute ein rekke farevarsel.

Og det blir mildt sagt vått.

– Om det blir ein kalddusj eller varmdusj, kan diskuterast, seier Müller.

Meteorologisk institutt har ute farevarsel for is og dei varslar om krevjande køyreforhold.

– Vi får eit lågtrykk som kjem og lagar bråk. Det tar med seg varm luft nordover. Så natt til tysdag og tysdag morgon får vi eit vêromslag til vestleg sterk til stiv kuling utsette stader.

Fare is og hålke: – Vurder broddar

Varmlufta tar med seg enda meir nedbør.

– Det startar med snø, og går så over til rekn lågtliggande område. Kor mykje regn og snø det blir, ser vi nøyare på utover måndagen. Det vi kan seie er at det kjem ein god del, seier meteorologen.

Yr melder mellom anna om at det er venta 40 mm i Gratangen, 36 mm nedbør på Bardufoss og 29 mm i Tromsø.

Før dagen er omme, kjem det nedbøren til å gå over til snø igjen.

Meteorologene oppfordrar på X alle som skal ut på veganen tysdag om å køyre forsiktig.

– Regn på snødekt bakke kan føre til is og hålke som kan vere vanskeleg å sjå. Berekn god tid, køyr etter forholda og vurder broddar om du tar beina fatt, skriv dei.

• Les også: Fryktar for forsvarets matsikkerhet: – Om vi ikkje snur, er vi ikkje leveringsdyktige i ein krise.

Snøskredfare og stengde fylkesvegar

Samtidig melder varslingstenesta Varsom om farenivå 4 av 5 for snøskred.

Det vil sei at snøskredfaren blinkar raudt.

Skredfaren aukar frå måndag frå betydeleg til stor.

Allereie er to vegar stengd på grunn av snøskred. Det gjeld:

• Fylkesveg 7944 mellom Nikkeby og Hellenes i Skjervøy kommune.
• Fylkesveg 91 ved Graselva i Tromsø kommune. Det gjer og at bilferja mellom Breivikeidet og Svensby er kansellert.

• 

  Ferja over Ullsfjorden kan ikkje gå på grunn av snøskred på vegen, ikkje langt frå ferjekaia.

  Foto: Sveinung Åsali

Fleire fylkesvegar er også stengd på grunn av snøskredfare:

• Fylkesvegen 87 er stengt ved mellom Øvergård og Vingstad i Tamokdalen i Balsfjord.
• Fylkesveg 7900 ved Holmbuktura i Tromsø.
• Fylkesveg 7760 Reiervikneset og Sørvoll i Tromsø, Troms
• Fylkesveg 7942 mellom Akkarvik og Langfjordbotn i Skjervøy.
• Fylkesveg 7760 mellom Reiervikneset og Sørvoll i Tromsø.

Statens vegvesen vil vurdere om vegane kan opnast i løpet av formiddagen.