Brann i gammal bygard ute av kontroll: – Vanskeleg å få oversikt

– Det brenn kraftig i tre etasjar av bygget, slukkeinnsats pågår. Våre røykdykkarar søker gjennom alle leilegheiter i bygget for å forsikre oss om at alle bebuarane er evakuert, skriv 110-sentralen i Oslo på X klokka 12.18.

Det er ikkje meldt om at nokon personar er skadde eller har blitt utsett for røyk.

Brannen starta i ei leilegheit i første etasje som spreidde seg via ventilasjonsanlegget til takkonstruksjonen, opplyser vaktleiar Brede Bratlie i 110-sentralen i Oslo.

– Det er framleis brann, og det er ikkje kontroll. Det brenn kraftig i ventilasjonsanlegget, seier han til TV 2 rundt 12.30. 

STORE STYRKER: Brannvesenet rykka ut med rundt ti bilat Foto: Håkon Mosvold Larsen / NTB

Bygarden er frå 1890 og har fem etasjar.

– Desse bygardane har ytterveggar av mur, og alt innvendig er av treverk – både etasjeskiller og trappehus. Dersom du får brann der, blir det som å fyre opp nedst i ein skorstein, og all varme vil bygge seg oppover, seier han. 

– Det er komplisert sløkking, mange holrom og vanskeleg å få oversikt.

Brannvesenet jobbar difor med å åpne konstruksjonen for å kartlegge kva områder brannen har spreidd seg til. 

Politiet melder at brannen i første etasje er sløkt, og at det jobbast med å få kontroll på alle bebuarane. 

– Dette er tidkrevjande arbeid som vil ta noko tid, skriv politiet til pressa i politiloggen. 

Brannvesenet har om lag ti brannbilar på staden.