Nordland fylkeskommune vil sette av 80 millionar kroner dei to neste åra til å oppgradere fylkesveg 835 mellom Bogen og Mortenstrand i Steigen.
Det går fram av forslaget til budsjett og økonomiplan for perioden 2026–2029, skriv Avisa Nordland.
– Vi er utruleg glade for denne innstillinga. Dette er resultat av langvarig lagarbeid, seier ordførar Aase Refsnes.
Ho understrekar at vegen er avgjerande for både busetnad og næringsliv, og peikar på at Steigen er blant kommunane med høgast verdiskaping per innbyggar i Nord-Noreg.
Refsnes meiner likevel at 80 millionar berre vil dekke punktvise utbetringar, medan full opprusting er anslått til rundt 200 millionar kroner.
Kommunen vil følge saka tett fram mot fylkestinget si behandling i desember.
English (US)