Politiet har starta etterforsking etter ein bilbrann på Rommen i Oslo i natt. Fleire bilar er totalskadde i brannen som blei varsla klokka 01.25.
Kort tid etter melde brannvesenet at brannen var sløkt.
– Tre bilar er utbrende, og det er skadar på ein varebil som har stått ved sida av personbilane, seier vaktkommandør Arvid Nordstrand i brannvesenet.
Politiet har starta etterforsking, men har ingen mistenkte så langt.
– Vi har avhøyrd vitne og søkt etter videoovervaking i området. Bilane er beslaglagde for eventuelle tekniske undersøkingar.
Årsaka til brannen er ukjend.
– Det er parkerte bilar som ikkje har vore i aktivitet, som har begynt å brenne utan noko naturleg grunn. Og då etterforskar vi det som påtente brannar.
English (US)