Prisane steig med 3,6 prosent i januar i år samanlikna med januar i fjor, viser konsumprisindeksen (KPI) frå Statistisk sentralbyrå.
Det er særleg utviklinga i husleige og prisane på bilar og straum som bidrog til auka prisvekst.
Matprisane auka med 4,2 prosent dei siste tolv månadane.
– Vi ser ofte at matvareprisane stig i januar etter juletilbod og kampanjar i desember. I år ser vi derimot at prisane steig mindre frå desember til januar samanlikna med eitt år sidan, seier seksjonssjef Espen Kristiansen i SSB i ei pressemelding.
I fjor var prisveksten på matvarer 5,3 prosent. Då blei prisane pressa opp av høge prisar på blant anna kaffi og kakao.
English (US)