Dei norske herrane var sterkast og vann stafetten i finske Kontiolahti laurdag.
Men det såg lenge mørkt ut for det norske laget.
Frankrike leia rennet overlegent heilt til siste letappe. Det norske laget hadde både ladekluss og fleire ekstraskot på dei tidlegare etappene.
– Det som skjer er at det blir levert dårlegare samanlikna med det nivået Frankrike ligg på. Både med tanke på treff, men også hastigheit på skytinga. I alle fall av det eg har sett av Fabien Claude og Émilien Jacquelin. Det er heilt enormt levert på standplass, sa Ola Lunde før den siste etappen.
Franske Quentin Fillon Maillet kom raskast inn til sin første serien, der måtte han bruke ekstraskot. På nabomatta kom Vetle Sjåstad Christiansen.
Han skaut fem treff.
– Han er i ein kjempegod skyteform, sa Ola Lunde.
Franskmannen og Christiansen gjekk i lag fram til siste ståande. Der måtte Fillon Maillet bruke to ekstraskot, medan Christiansen skaut raskt fem treff.
Han kunne gå aleine inn til mål.
Johannes Dale-Skjevdal, Johan-Olav Botn og Sturla Holm Lægreid gjekk dei tre første etappene.
English (US)