Ni barn drepne i pakistansk åtak

I Afghanistan er minst ti personar drepne etter åtak frå Pakistan. Det seier ein talsperson for Taliban-styret, ifylgje nyheitsbyrået AFP.

– Dei invaderande, pakistanske styrkane bomba huset til ein lokal, sivil bebuar. Som fylgje av det leid ni barn og ei kvinne martyrdøden, skriv talspersonen på X.

Åtaket kjem dagen etter eit sjølvmordsåtak mot pakistanske tryggleiksstyrkar i ein provins som grensar til Afghanistan, ifylgje AFP.