– Kjære nærståande til Markus, kjære kollegaer! Me er samla her på årsdagen for drapet på Markus for å minnast han. Det er både vondt og godt.
Slik starta politimeister i Sør-Vest politidistrikt, Hans Vik, sin tale under minnemarkeringa på Klepp søndag.
På dagen eit år etter det fatale oppdraget, blei det lagt ned blomar og lys ved åstaden.
Blomar blei lagt ned og lys blei tent for å minnast Markus Botnen.
Foto: Erik Waage / NRKEtterlatne og kollegaer samlast på Klepp søndag for å minnast Markus Botnen.
Foto: Erik Waage / NRKPolitimeister Hans Vik la ned blomekrans.
Foto: Erik Waage / NRKFoto: Erik Waage / NRK
– Å ta vare på folka våre gjer vi uansett, men politiet har i oppgåve å springe inn når andre spring ut. Denne hendinga viser tydeleg kva konsekvensar det i sjeldne tilfelle kan ha, seier politimeister Hans Vik til NRK etter markeringa.
Hans Vik heldt tale til dei tilsette og til dei etterlatne på Klepp søndag.
Foto: Erik Waage / NRKTrua med å tenne på huset sitt
Like etter klokka 1, natt til 28. desember 2024, fekk politiet melding om ein mogleg pågåande trusselsituasjon i eit bustadområde på Klepp om lag 2,5 mil sør for Stavanger.
I meldinga gjekk det fram at ein person hadde eit våpen og trua med å tenne på huset sitt.
Fleire patruljar rykka ut. Ein av politibetjentane var Markus Botnen.
25-åringen var midlertidig tilsett i Sør-Vest politidistrikt og skulle på nyåret byrje i ny jobb i Finnmark.
25 år gamle Markus Botnen skulle over i ny jobb i Finnmark i januar 2025.
Foto: Politiet / Handout52 skot blei fyrt av
På staden blei det losna 52 skot. Eit av desse trefte Botnen i overkroppen og tok livet hans.
Skotet kom frå våpenet til Geir Roald Hodne (41) som i ettertid blei sikta for drapet på Botnen, samt to drapsforsøk og grove trugslar.
Han blei sjølv skoten og drepen i hendinga.
Botnen sin makker blei treft av eit skot i foten.
Sist gong ein politimann blei skoten og drepen skjedde det også i Sør-Vest politidistrikt. Politimann Arne Sigve Klungland mista livet under NOKAS-ranet i 2004.
Les meir om hendingsforløpet på Klepp her:
Terje Pedersen / NTB
Skuddene på Klepp
Politibetjent Markus Botnen (25) ble skutt og drept etter at politiet rykket ut til en trusselsituasjon på Klepp natt til lørdag 28. desember.
Geir Roald Hodne (41) ble også drept i skuddvekslingen. Han er siktet for drap, to drapsforsøk og grove trusler.
Slik var den dramatiske natten:
Eirik Gjesdal / NRK
Antatt gjerningsmann forlater Circle K
Like før klokken 21.30 fredag 27. desember blir Geir Roald Hodne kjørt fra Circle K på Klepp.
Politiet gikk tidlig ut og sa at de ønsket å komme i kontakt med mannen som kjørte bilen. Mannen meldte seg senere til politiet.
NRK
Oppsøker tidligere kollega
Flere timer senere oppsøker Hodne sin gamle kollega, Johnny Jahren, hjemme.
Hodne sier han har våpen, og Jahren blir med ut for å roe situasjonen, har han forklart.
Jahren reiser så tilbake til boligen, og får varslet sønnen, som ringer politiet.
De to mennene kjører deretter videre.
Carina Johansen / NTB
Varsler politiet
Sønnen til Jahren varsler politiet klokken 01.08.
Han sier Hodne er bevæpnet, og at han skulle tenne på huset sitt.
Sønnen gir politiet opplysninger om hvilken bil de kjører, og adressen de er på vei til.
Carina Johansen / NTB
Politiet rykker ut
Politiet rykker ut på jakt etter bilen, og er varslet om en mulig trusselsituasjon.
De sender en drone opp i luften for å overvåke området.
Denne filmer både bilstansen og den påfølgende skuddvekslingen.
Carina Johansen / NTB
Skuddveksling
Politiet stanser bilen med Jahren og Hodne like etter klokken 01.35.
Politibetjent Markus Botnen (25) og Geir Roald Hodne blir drept i skuddvekslingen som oppstår.
En annen polititjenesteperson blir også truffet av skudd, men er ikke livstruende skadet.
Privat
Jahren får status som fornærmet
Johnny Jahren ble siktet for medvirkning til drap og medvirkning til drapsforsøk etter hendelsen.
I slutten av januar blir saken mot han henlagt.
– Tidligere siktet har ikke på noen som helst måte gjort noe straffbart, sa statsadvokat Arvid Malde i januar.
I februar fikk han status som fornærmet i saken.
Spesialeininga la bort saka
Markus Botnen vaks opp på Ganddal i Sandnes. Han bestemte seg tidleg for å bli politi – som om det var kallet hans i livet, beskreiv familien under gravferda i Gand kyrkje den 13. januar i år.
I ettertid har hendinga blitt etterforska av Spesialeininga for politisaker.
Dei startar alltid etterforsking dersom nokon døyr eller blir alvorleg skadd som følger av politiet sine handlingar. Sjølv om det ikkje er mistanke om ei straffbar handling
I november kom konklusjonen: Spesialeininga meinte politifolka på staden ikkje gjorde noko straffbart og la bort saka.
Og i dag minnest dei 25-åringen.
Politimeister Hans Vik avslutta talen sin til dei tilsette slik:
– Eg sa den natta at personalomsorg er førsteprioritet, med alle middel. Det gjeld framleis, og kanskje nettopp no framover når me har passert året, og hendinga uansett kjem meir på avstand. Eg er stolt over å lede eit politidistrikt som kan møte ein slik krise på den måten de har gjort.
Publisert 28.12.2025, kl. 14.00 Oppdatert 28.12.2025, kl. 14.20
English (US)