Ein mann i 20-åra er sikta etter knivstikkinga på Figgjo i Sandnes tysdag. Det opplyser politiet.
– Han er no i arrest og vil etter planen bli avhøyrd i dag. Det er for tidleg å seie noko om hendingsgang eller motiv. Den fornærma er framleis innlagd på SUS. Politiet har ingen fleire opplysningar om skadeomfang, seier politiadvokat Ketil Remman.
Fornærma er ein mann i 30-åra. Vedkommande verka ifølge politiet alvorleg skadd, men var oppegåande.
Han blei frakta til Stavanger universitetssjukehus (SUS) tysdag kveld.
Eit vitne melde frå om hendinga.
English (US)