Korleis skal Noreg få fleire unge i jobb? Nå forsøker Nav noko nytt.

Vil du heller lytte til saken? Her kan du få lydkommentaren lest av kommentator Rakel Haugen Strand:

PORSGRUNN: – Eg følte meg utanfor samfunnet. Eg følte ikkje at eg bidrog.

Det fortel Camilla Berge på eit lite møterom hos Nav Porsgrunn.

25-åringen har strevd med depresjon lenge.

Ho byrja på studiar i Bø for nokre år sidan, men hoppa av dei. Og så blei helsa verre.

Ho frykta ein ting: å bli ufør. Slik stadig fleire unge er blitt dei siste 15 åra.

Trenden er urovekkjande. Politikarar og Nav har prøvd å snu han utan hell. Men no er dei i gang med eit heilt nytt prosjekt. Kan dette vere redninga for Berge? Og kan det hjelpe fleire unge inn i arbeidslivet?

Nav-rettleiar Rikke Sjøberg Bentsen ser allereie ei endring.