Koda (3) vart skremt av rakettar – funnen etter ei veke ute i bitande kulde

På kvelden på nyttårsaftan går matmor Anna Pakonen og border collien Koda tur i bustadområdet sitt i Tromsø.

Den treårige hunden er normalt ikkje redd for rakettar.

Dei går likevel i god tid før fyrverkeriet overtek himmelen.

Men denne kvelden er det nokre personar som skytar opp rakettar.

Då hender det som ikkje skal hende.

– Ein rakett kjem mot oss. Eg og Koda blir skremt. I tillegg til raketten, skremmer også eg Koda, seier Pakonen.

Border collien blir vettskremt og stikk av.

For matmora har de siste sju dagane vore tunge.

– Eg blei stressa og bekymra, og eg har ikkje sove noko særleg. Det verste var at eg ikkje visste kor Koda var. Eg har ikkje visst om Koda levde eller ikkje, seier ho.

• Les også: Fortvilt hundeeigar: – Har nokon sett Turte (5)?

Var ute i -15 grader

Første nyttårsdag spurte hundeeigaren på fleire Facebook-grupper for dyrevenar om nokon kunne tenkje seg å hjelpe ho å leite etter Koda.

Temperaturen skulle falle til 10 minusgrader den dagen.

Over 200 personar har sidan stilt opp.

– Eg blei skikkeleg imponert, sjokkert, rørt og glad. Det er heilt utruleg kor mange som har ønska å hjelpe oss med å få Koda heim, seier Pakonen.

Så har dagane gått.

Fleire og fleire har kommen til for å leite.

Vinterkulda har vore nede i -15 grader.

Men ingen har sett snuten til Koda.

Ikkje før matmora fekk ein telefon i halv 5-tida tysdag morgon.

– Det var ein nabo. Han sa at hunden din er her ute. Det tok tid før eg skjønte kva han sa, fortel ho.

Pakonen og sambuaren gjekk ut til skogsområdet Koda var blitt sett.

– Det var heilt fantastisk! Det var fantastisk berre det å vite at han var i live, seier ein lykkeleg eigar.

• Les også: Huskyen Astra funnen etter fire dagar på rømmen: – Det kom nokon gledestårer.

Ønsker forbod mot privat fyrverkeri

​​​​Norsk Kenel Klub jobbar for at hundeeigarar skal sleppe opplevingar som den Pakonen og sambuaren har vore igjennom.

– Det er kjempehyggeleg å høyre at hunden er funnen etter sju dagar. Dei er heldige som får hunden heil heim igjen.

– Det er et mareritt å miste hunden sin på nyttårsaftan. Vi kjenner til at hundar har kommen bort og døydd som følge av fyrverkeri, seier kommunikasjonsrådgjevar Anne Livø Buvik.

Dei har ikkje nokon tal på kor mange hundar, og andre dyr, som blir skremt vekk frå eigaren sin på grunn av rakettar.

Men Buvik seier det skjer med fleire hundar kvart år.

– Difor er Norsk Kennel Klub motstandar av fyrverkeri i privat regi. Vi har skrevet under på eit opprop som vi saman med andre dyrevelferdsorganisasjonar kvart år sender til myndigheitene. Vi meiner vi bør slutte med fyrverkeri av omsyn til alle dyr, også ville dyr, seier ho.

Buvik seier at så lenge det er lovleg, er førebygging rådet dei kan gje dyreeigarar.

– Vi oppfordrar folk til å ikkje ta nokon sjansar. Men vi veit at uhell skjer. Når ein først har mista hunden, er det smart å si ifrå til politiet, Falken, eller andre som tar imot bortkomne hundar. Og så er det effektivt å be om hjelp i Facebook-grupper, seier ho.

Her er råd som Tina Småstuen Moi, frivillig i organisasjon Nitrogruppa for sakna hundar, tidlegare har delt med NRK:

• Les også: Hundeloven diskriminer Liv Tone: – Krev lovendring.

– Koda er barnet vårt

Engasjementet i Facebook-grupper var til stor hjelp i Tromsø.

– Eg er så takknemleg for alle som har hjelpt oss, seier Kodas eigar rørt.

– Koda er familiemedlemmen vår. Koda er barnet vårt, så han er veldig viktig for oss. Eg trur alle som har hund forstår det, seier matmor Pakonen.

Koda hadde nokre isklumpar i pelsen, og han var blitt litt tynnare etter sju dagar ute.

Han var elles i fin form.

Det var nesten meir ein eigaren hadde turt å håpe på.

I løpet av tysdagen har Pakonen og Koda vore innom dyrlege.

– Han har nokre sår og også ein liten betennelse. Men veterinæren sa at det ikkje var noko grunn til å vere bekymra. Etter at han får litt medisin, så vil han vere bra igjen om ei veke, fortel ho.

– Kjem du til å gjere noko annleis for Koda neste nyttårsaftan?

– Eg trur vi kjem til å dra ein rolegare plass, kanskje på hytta. Vi trur Koda kjem til å vere meir redd rakettar neste år enn han har vore tidlegare.

• Les også: Ny vêrendring er livsfarleg for dyra.