Har du drøymt om å bli detektiv og er glad i å komme på kant med folk? Søk lærarutdanning!

Illustrasjon: Christian Bloom

Nivåa over læraren har abdisert i møte med språkmodellane.

Har du ofte drøymt om å bli detektiv og er glad i å komme på kant med folk? No er muligheten her! Søk lærarutdanning i år!

Anne Grønlie er lektor på vidaregåande skule i Drammen. I eit intervju med Klassekampen i november fortel ho at læraren har gått frå å vere ei vaksen støtte for elevane til å bli ein mistenksam detektiv på jakt etter KI-juks (kunstig intelligens). Tre av fire lektorar opplever meirarbeid fordi dei må kontrollere elevoppgåver for KI-juks. Elevane kan på si side heilt enkelt blånekte for å ha fått ChatGPT for å skrive oppgåva for seg, og dermed er ein ubehageleg konflikt i gang.