Palestinske fangar i Israel har stort sett blitt halde fanga i hemmelegheit, og i nokre tilfelle utsett for behandling som kan motsvare tortur, ifølge ein FN-rapport.
– Vitnemål som er samla inn av mitt kontor og andre organisasjonar indikerer ei rekke forferdelege handlingar, blant anna vasstortur og tilfelle der hundar er sleppte laus på fangar, seier FNs menneskerettssjef Volker Türk, ifølge Reuters.
Han kallar dette klare brot på internasjonale menneskerettar og den humanitære folkeretten.
Ifølge rapporten sat over 9400 personar i «tryggingsforvaring» ved utgangen av juni. Nokre av dei har ikkje hatt tilgang til advokatar, og dei juridiske rettane er ikkje respektert, skriv FN.
English (US)