100 kattungar redda frå døden

3 hours ago 2

Fleire heiv seg rundt for å redda eit busslass med kattungar i Bergen.

(MJ)AUKA I OMFANG: Her er eit knippe kattar som vart henta av Kattens vern Foto: Kattens vern

Publisert 09.05.2025 21:42

Denne veka fekk organisasjonen Kattens Vern ein uvanleg førespurnad.

Rundt 60 kattar hadde blitt levert til Dyreklinikken Bergen Vest for å avlivast.

Dei tok vidare kontakt med Dyrebeskyttelsen i Bergen og Hordaland, som igjen kontakta forskjellige organisasjonar om nokre kunne ta hand om dei mange små kattane.

50 blei til 100

Assisterande nestleiar i Kattens Vern, Kristin Flesland, seier til TV 2 at dei tok i mot 18 kattar.

Dei fekk først vite om at det var snakk om rundt 50 kattar.

Så viste det seg at det reelle talet var rundt 100.

– Eg trur ikkje dei som leverte inn kattane var klar over antalet. Dei har visstnok gått inn og ut av huset når dei har telt dei, så det kan henda at det har vore fleire ute og at dei ikkje blei talt med, seier Flesland.

Flesland kjem med ei viktig oppfordring til alle katteeigarar. Sjå kva her:

Takkar alle

Ho seier dei er utruleg takksame til alle som opna heimen for ein katt eller to.

I desse fosterheimane skal dei vaksinerast og sjekkast for sjukdommar. Dei blir buande til dei får ein meir permanent heim.

Flesland seier ho er glad for at dei som hadde kattane tok kontakt med ein dyreklinikk. Ho understreker at det er risikosport å ha så mange kattar samtidig.

– Det er mykje stell og reingjering. Blir éin sjuk, då blir alle sjuke.

Flesland kjem med ei oppfordring til alle katteeigarar der ute:

– Alle som skaffar seg katt må kastrera og ID-merka katten sin. Ein kan fort enda opp med mange kattungar. Kattar kan bli kjønnsmodne frå firemånadars-alderen. Ta kontakt med organisasjonar viss ein treng råd eller rettleiing.

Stor innsats

Dyreklinikken Vest seier ingen av kattane som vart leverte inn til dei var sjuke eller mishandla.

Det er truleg heller snakk om ein situasjon som har kome ut av kontroll med tanke på antal kattar.

– Pårørande har gjort alt i si makt for å for å omplassera kattane, og har bede om hjelp frå fleire dyrevernsorganisasjonar utan at nokon kunne hjelpa, seier dagleg leiar Jannicke Jæger.

Etter dei tok i mot kattane, tok klinikken kontakt med Dyrebeskyttelsen. Sidan då har dei funne ein fosterheim til alle kattane.

No er dei spreidde rundt om på heile Vestlandet.

– Dei har gjort ein utruleg innsats i samarbeid med pårørande, oss på klinikken og fleire andre organisasjonar for å finna ei løysing for desse kattane, seier Jæger.

I dyrevelferdslova er det ikkje er avgrensingar på kor mange kattar ein kan ha.

Men det står at dyr berre skal haldast viss dei kan tilpassa seg på ein dyrevelferdsmessig forsvarleg måte.