Det byrjar å brenne i blokka du bur i.
Men røyk og flammar sperrar rømmingsvegen din.
Då kan siste utveg bli å klatre ned på utsida av bygget.
NRK sin reporter fekk teste den 32 meter høge stigen til brannvesenet. Godt sikra blei det ein luftig tur ned stigen.
Men dette er berre ei nødløysing, påpeikar brannvesenet.
Hovudregelen er at folk skal komme seg så fort som mogleg ut på eiga hand.
Og då er det avgjerande med ein røykvarslar som varslar tidleg.
Dobbelt så mange dødsbrannar i desember
På måndag 1. desember er det røykvarslaren sin dag.
Det er ein dag du blir påmint å sjekke og halde røykvarslarane ved like.
For i Noreg er det faktisk påbode å ha røykvarslarar i bustaden.
Dei fleste dødsbrannar skjer i heimen, og menn er framleis overrepresentert.
Foto: Håkon Mosvold Larsen / NTBHittil i år har 37 personar omkomne i brann.
Det er seks fleire enn snittet dei siste fire åra.
No er vi inne i høgsesongen for dødsbrannar.
I desember døyr dobbelt så mange i brann som elles i året, opplyser Brannvernforeininga.
Branninspektør Frode Michaelsen følgde stigeøvinga frå bakken.
– Brann utviklar seg svært raskt. Det kan bli overtenning på få minutt. Derfor er tidleg varsling heilt avgjerande i alle bygg, seier branninspektør Frode Michaelsen.
Dei mest utsette er eldre med hjelpebehov, rusavhengige og personar med psykiske utfordringar.
– Utsette må få hjelp til å sjekke røykvarslarane sine. Fungerer dei faktisk?, spør Michealsen.
Røykvarslaren bør bli sjekka ein gong i månaden.
I tillegg må dei bli bytt ut kvart åttande til tiande år.
Åtvarar mot falsk alarm
Omtrent éin av ti norske bustader har fungerande røykvarslar, ifølgje DSB.
Og mange har berre éin varslar i heile huset.
– Det held ikkje, seier branninspektør Michaelsen.
Har du hugsa å sjekke røykvarslaren din?
Denne avstemningen viser ikke hva befolkningen mener om spørsmålet. Resultatet viser hva de som selv har valgt å stemme mener, og avstemningen har ikke et utvalg som gjør den representativ for alle som bor i landet.
Har du opplevd å springe stressa ut av huset når brannalarmen går, for så å oppdage at det berre var ei øving – eller ein falsk alarm?
Det bør du fortsette å gjere, seier branninspektør Michaelsen.
Han understrekar at det er avgjerande å ta alle alarmar på alvor.
– Mange antar dessverre at alarmen «sikkert er falsk», og reagerer ikkje raskt nok.
– Ein skal alltid handtere ein alarm som om det faktisk er alvor, seier han.
Nokon som tok ei øving på alvor, var NRK sin reporter då han klatra ned brannstigen.
Reporter Kale Turkerud fekk testa høgdeskrekken i brannstigen.
Etter 32 meter sto han trygt på bakken igjen, litt meir førebudd dersom det ein dag ikkje skulle vere ei øving.
Publisert 30.11.2025, kl. 22.29
English (US)